EB/Streymur

Rói heldur sjálvandi eisini fram

EB/Streymur hevur í kvøld skrivað undir nýggjan sáttmála við okkara egna Róa Olsen.

Rói er ein av ungu evnagóðu leikarunum, sum hava sín uppvøkstur í EB/Streymi, og tí síggja vit tað eisini sum eina sjálvfylgju, at felagið hevur stóran áhuga at knýta hann at felagnum fyri 2017 eisini.

Rói hevur seinastu árini víst stóra framgongd, og seinasta kappingarár fekk hann fleiri dystir á besta liði felagsins, og í heyst beyt hann seg rættiliga fastan á liðnum.

Í ár spældu vit sum kunnugt í 1. deild, meðan vit til komandi ár aftur eru "heima", t.v.s. í Effodeildini. Onki er at ivast í, at Rói hevur evnini eisini at spæla seg inn á fast pláss í Effodeildini.

Vit ynskja Róa alt tað besta komandi ár og gleðast um at síggja hann einn eitt ár í blá/svørtu troyggjuni!

Last Updated on mikudagin, 30. november 2016 22:56

Sæð: 1437 ferðir

Niklas ger sín fyrsta sáttmála

EB/Sttreymur hevur í dag gjørt sáttmála við unga leikaran Niklas Tummasarson Kruse frá Norðskála. Niklas er uppvaksin í felagnum, umfarmt at hann hevur roynt seg á ítróttareftirskúla í Danmark.

Niklas spælir á øllum offensivum plássum, bæði á miðjuni og á vengrunum, og hann má sigast at vera sannur málrevur. Í teimum 9 dystunum, hann hevur spælt síðani á Ólavsøku við 1. og 2. deild hjá EB/Streymi í ár, hevur hann skotið 8 mál. Av hesum vóru 7 dystir og 7 mál í 1. deild.

Hetta er fyrsti sáttmálin hjá Niklas, og hann er fyri eitt ár.

Vit gleða okkum at síggja unga kvika norðskálamannin á vøllinum komandi ár og ynskja honum alt tað besta!

Last Updated on hósdagin, 17. november 2016 18:50

Sæð: 1614 ferðir

Sjúrður eisini næsta ár

EB/Streymur hevur í dag longt sáttmálan við Sjúrða Jacobsen, sum spældi við okkum í 1. deild í ár.

Sjúrður spælir á miðjuni og hann royndist sera væl saman við unga liði okkara, har hann spældi við í 27 dystir og skeyt 3 mál.

Sjúrður er uppvaksin í NSÍ og hevur mest sum bert spælt har, nevniliga øll árini frá 1994 til 2014. Í 2015 skifti hann to til Effo-liðið hjá ÍF, og í ár spældi hann so við EB/Streymi í 1. deild. Komandi ár verður tað so Effo-fótbóltur við EB/Streymi.

Talan er um eitt ára sáttmála.

Vit gleða okkum til enn eitt ár við Sjúrða og ynskja honum góða eydnu!

Last Updated on hósdagin, 17. november 2016 18:43

Sæð: 1474 ferðir

Tóki til EB/Streym

EB/Streymur brynjar seg til komandi kappingarár, nú felagið aftur verður at síggja í bestu deildini.

Í dag hevur felagið gjørt sáttmála við ein ungan evnaríkan leikara, nevniliga Tóka á Lofti.

Tóki á Lofti er uppvaksin í AB og hevur umframt AB eisini leikt við B36 í 2012, 13 og 14, umframt at hann í ár spældi við 07 Vestur.

Tóki er 24 ára gamal og spælir á miðjuni. Hann hevur fyri tað mesta spælt í 1. deild seinastu árini, men hevur spælt nakrar dystir í Effo-deildini við B36 og AB.

Talan er um eitt ára sáttmála.

Vit bjóða Tóka vælkomnan til Margáir og gleða okkum at síggja hann í blá/svørtu troyggjuni!

Last Updated on hósdagin, 17. november 2016 18:39

Sæð: 1529 ferðir

Forritað hevur Menning.fo

Top Desktop version