EB/Streymur

Dan í Soylu til EB/Streym

EB/Streymur hevur í dag gjørt sáttmála við miðvallaran Dan í Soylu.

20 ára gamli Dan í Soylu hevur barnaárini spælt við B71, og hann spældi við 1. dield hjá B71 í 2012 og 2013. Harafturat spældi hann seinna helming av 2013 og í 2014 við U18 liðnum hjá HB.

Í 2014 og í 2015r hevur hann so spælt við AB, fyri tað mesta við 1. deild, men hevur eisini leikt fleiri dystir í Effodeildini fyri AB. í 2016 hevur hann verið fastur partur av Effoliðnum hjá AB, og komandi ár skal hann so royna seg í blá/svørtu troyggjuni í Effodeildini.

Vit ynskja Dan væl komnan til EB/Streym!

Last Updated on hósdagin, 29. desember 2016 21:21

Sæð: 1127 ferðir

Okkara Leif verður sjálvandi eisini við í 2017

EB/Streymur hevur í dag gjørt nýggjan sáttmála við okkara egna Leif Niclasen.

Leif hevur frá barnsbeini spælt við EB/Streymi, og hevur verið týðandi partur av okkara besta liði seinastu nógvu árini.

Í ár slóg hann metið sum nógv mest skorðandi í fyrstu deild nakrantíð við sínum 36 málum, og harumframt bleiv Leif á ársveitsluni hjá felagnum kosin ársins spælari.

Vit ynskja Leif allarbestu eydnu í 2017!

Last Updated on mikudagin, 28. desember 2016 21:40

Sæð: 1349 ferðir

So var nr. 19 í pottinum eisini

EB/Streymur hevur í dag longt sáttmálan við Arnar Dam, so hann verður eisini partur av hópi okkara komandi ár.

Arnar er uppvaksin í felagnum og hevur altíð spælt her, burtursæð frá einum stuttum skifti í 2008, tá hann var í ÍF. Har spældi hann 4 dystir við teirra 2. Deildarliði, men frá august 2008 hevur hann bara umboðað EB/Streym.

Í ár bleiv tað so til 25 dystir og 10 mál, so tað er gott útgangstøði til komandi ár, nú vit aftur skulu royna okkum í Effodeildini.

 

Vit ynskja Arnar góða eydnu komandi ár!

Last Updated on mikudagin, 21. desember 2016 16:14

Sæð: 1117 ferðir

Tóki gjørt nýggjan sáttmála

EB/Streymur hevur um dagarnar gjørt nýggjan sáttmála við Tóka H. Johannesen.

Upprunaliga var sáttmáli við Tóka fyri bæði 2016 og 2017, men báðir partar vóru samdir um at gera nakrar tillagingar í sáttmálanum.

19 ára gamli oyrarbakkamaðurin hevur altíð verið í EB/Streymi, og í 2016 spældi hann við í 32 dystum, flestu í 2. dield og U18, men harafturat bleiv tað til 10 landskappingardystir og ein steypadyst við besta liðnum.

Vit ynskja Tóka bestu eydnu!

Last Updated on týsdagin, 20. desember 2016 15:08

Sæð: 1126 ferðir

Forritað hevur Menning.fo

Top Desktop version